7 առասպել հիվանդ թիկունքի մասին

Իրականում, այս թեմայով  առասպելներն ու մոլորություններն առավել շատ են: Սակայն եթե այս հոդվածի օգնությամբ ազատվեք գոնե  7 առասպելներից, ապա անգնահատելի օգնություն կցուցաբերեք սեփական թիկունքին:

1. Որպեսզի թիկունքը չցավի, հարկ է ուղիղ նստել

Իրոք,  կուզիկությունը, կորացած թիկունքն այնքան հաճելի չեն: Սակայն նստել այնպես, կարծես «փայտ եք կուլ տվել» նույնպես չարժե: Այդ դեպքում թիկունքի մկանները գերլարվում են և, արդյունքում, ստանում ենք այն, ինչի դեմ փորձում ենք պայքարել, այսինքն թիկունքի ցավերից:Եթե օրվա ընթացքում ստիպված եք երկար նստել, ապա պարբերաբար աթոռի հետ միասին շարժվեք առաջ ու ետ, երբեմբն ձգվեք: Իսկ ավելի լավ կլինի, եթե փաստաթղթեր կարդալիս կամ հեռախոսով խոսելիս ոչ թե նստեք, այլ կանգնեք:

2. Ծանրություններ բարձրացնելը վնասում է թիկունքին

Իրականում կարևոր չէ, թե ինչ եք բարձրացնում, այլ ինչպես եք դա անում: Հասկանալի է, որ ուժերից վեր ծանրություն բարձրացնել պետք չէ: Այդ դեպքում կորացնում եք ոչ թե թիկունքը, այլ ոտքերը: Ծանրությունը հարկ է պահել իրանին մոտ, այլ ոչ թե ձգված ձեռքերի, նաև խուսափել ձեռքերով ծանրությունն այս ու այն կողմ պտտելուց (երբ ոտքերն անշարժ են, իսկ մենք պտտում ենք իրանի միայն վերին մասը): Մի փորձեք ինչ-որ բան բարձրացնել գետնից, հատկապես, եթե նստած դիրքում եք, թեկուզ մատիտ եք վերցնելու: Այն կարող է թիկունքի մկաններին վնասել:

3. Թիկունքի ցավերի դեպքում հարկ է պառկել

Դա ճիշտ է, սակայն սուր ցավի դեպքում միայն, որն առաջացել է գերլարվածության կամ վնասվածքի արդյունքում:: Եվ, նույնիսկ այդ դեպքում չարժե երկար ժամանակ մնալ հորիզոնական դիրքում, անկողնային ռեժիմից 1-2 օր հետո ձեզ ավելի լավ կզգաք:

4. Թիկունքի ցավերի պատճառը կարող են լինել միայն վնասվածքները

Միշտ չէ, որ թիկունքի ցավերի պատճառը ողնաշարի հետ կապված վնասվածքներն են: Ամենից հաճախ ցավում են մկանները: Ի դեպ, մկանային  կմախքն էլ հենց ուժ ու դիմացկունություն է հաղորդում թիկունքին: Բացի այդ, մկանները կարող են ցավել թունավորման դեպքում: Գրիպի ժամանակ մկանային թուլությունը կամ դրանց կոտրտվածությունը դրա վառ ապացույցն են: Դեպի թիկունք գնացող ցավի պատճառ կարող են լինել նաև երիկամների, ենթաստամոքսային գեղձի  հիվանդությունները, նաև մենստրուացիան: Նյարդերի ախտահարումը, միջողնային սկավառակներում դիստրոֆիկ  գործընթացները (օստեոխոնդրոզ), նույնիսկ, հոգեկան ուժեղ ապրումները կարող են ցավային համախտանիշի պատճառ հանդիսանալ:

5. Նիհար մարդկանց թիկունքը չի ցավում

Նիհարությունը նիհարությունից տարբերվում է:  Մի բան է մկանուտ մարզիկ-վազորդը, մեկ այլ բան` անորեքսիայով տառապող կիսաթափանցիկ մոդելը: Սննդակարգերի պատճառով նիհարող ոսկրերը նույնպես կորցնում են քաշը, նաև ամրությունը, ինչի հետևանքով մկաններն այլևս իր վիճակի չեն լինում պահել ողնաշարն ու հոդերը: Արդյունքում` ամենաանսպասելի հատվածներում ճաքեր ու կոտրվածքներ ստանալու ռիսկն է բարձրանում: Սակայն մեկ այլ ծայրահեղությունը ևս` ավելորդ քաշը թիկունքի համար պակաս փորձություն չէ:

6. Թիկունքի ցավերի դեպքում ֆիզիկական վարժությունները ցուցված չեն

Ամենատարածված առասպելներից մեկն է: Բուժական ֆիզկուլտուրան, հատկապես, լողը բարերար ազդեցություն են թողնում թիկունքի մկանների վրա:  Ֆիզիկական պարբերաբար կատարվող վարժությունները, որոնք հատուկ ընտրում է բժիշկը, օգնում են ոչ միայն թիկունքի ցավերին (իհարկե, սրացումներից հետո), այլ կանխարգելում են ռեցիդիվները: Հիվանդ թիկունքի հիմնական թշնամին հիպոդինամիան է: Ակտիվ կենսակերպ վարող, սպորտով զբաղվող մարդիկ բոլորից քիչ են տառապում այս ցավերից:

7. Թիկունքի համար կոշտ ներքնակն ավելի լավ է, քան փափուկը

Այս կարծիքը միանշանակ չէ, մարդիկ տարբեր են: Բոլորին անխտիր հանձնարարել քնել կոշտ ներքնակների վրա այնքան էլ ճիշտ չէ: Իսպանացի գիտնականները հետազոտություն են անցկացրերլ: Նրանք հետազոտության մասնակիցներին խնդրել են իրենց ներքնակի կոշտությունը գնահատել 10 բալանոց սանդղակով (որտեղ 10-ը փափուկ ներքնակն է, իսկ 1-ը բետոնե հատակը), հետո ուսումնասիրել են նրանց վիճակը: Այսպես, ամենաառողջ թիկունք ունեցել են այն իսպանացիները, ովքեր քնել են միջին կոշտության ներքնակի վրա (5,6 միավոր): Իսկ նրանք, ովքեր քնել են կոշտի վրա (2,3 միավոր) բազմաթիվ խնդիրներ են ունեցել: Ընդ որում թիկունքի հետ կապված տհաճություններն սկսվել են ոչ թե ներքնակը գնելուց առաջ, այլ դրանից հետո:

Հարցեր, պատասխաններ, մեկնաբանություններ